Што е тест за HbA1c?
HbA1c е името на тестот што се користи за да се процени вашата контрола на гликозата во крвта во последните два до три месеци.
Како ќе се собира крвта?
Може да се земе примерок на мала количина крв со боцкање на прстот или земање примерок на крв од вашата вена.
Зошто се нарекува HbA1c?
Hb значи хемоглобин. Ова е дел од нашата крв кој носи кислород од белите дробови до сите делови на телото. HbA го добило името по црвената боја во хемоглобинот.HbA1c се состои од HbA и гликоза кои се комбинираат заедно во црвените крвни зрнца.
Што се случува?
Црвените крвни зрнца живеат околу 120 дена. За време на животниот век на црвените крвни зрнца, гликозата се прикачува на неговиот хемоглобин. HbA1c е хемоглобинот во црвените крвни зрнца кој има прикачена гликоза за него.
Ако нивото на гликоза во крвта е високо, HbA1c ќе биде висок.
Ако нивото на гликоза во крвта е ниско, HbA1c ќе биде низок.
Зошто да го направите овој тест?
Ако вашиот HbA1c се следи во редовни интервали, барем на секои три месеци, резултатите ќе дадат добар преглед за тоа како била вашата контрола на гликозата во крвта во текот на годината.
Оваа информација може да се искористи за да ви даде вредни совети за прилагодување на вашиот инсулин и или вашиот начин на живот. Постојат убедливи научни докази и студии дека добрата контрола на дијабетесот може да ги одложи и спречи компликациите.
Што значат резултатите?
Резултатите од HbA1c се изразуваат како mmol/mol
Нормална вредност – лице без дијабетес под 42
Ризик од хипогликемија (кај дијабетес) под 42
Идеална контрола на дијабетесот 42-53
Прифатлива контрола на дијабетес 53-58
Треба да разговарате за вашето сегашно управување 59-75
Висок – зголемен ризик од компликации Над 75
Сепак, е многу важно секојдневно да ја тестирате вашата гликоза во крвта и соодветно да го прилагодите вашиот инсулин, бидејќи е многу поголема веројатноста да се чувствувате подобро кога нивото на гликоза во крвта е релативно рамномерно.
Вашиот HbA1c е највреден за вас. Можете да го користите за да ви помогне да донесувате одлуки за управувањето со дијабетесот и начинот на живот. Овие одлуки можеби се дека треба да се обидете да ја заострите контролата на гликозата во крвта или дека можете да си дозволите малку да ја опуштите контролата и да си дозволите поголема флексибилност.
Наша работа е да ве охрабриме и поддржиме да постигнете добра контрола на дијабетесот.
Што ако мојот HbA1c е многу висок?
Може да се чувствувате уморни, лути или лошо. Можеби не ни сфаќате дека се чувствувате вака, но штом ќе почнете да ја подобрувате контролата ќе се чувствувате многу подобро и ќе имате многу повеќе енергија да ги правите работите во кои уживате.
Може ли мојот HbA1c да биде премногу низок?
Ако имате многу низок HbA1c, вашата просечна гликоза во крвта е ниска и може да имате висок ризик од тешка хипогликемија без никакви предупредувачки знаци.
Ако имате низок HbA1c и проблеми со тешка хипогликемија или несвесност за хипогликемија, добра идеја е да се стремите кон малку повисок HbA1c.
Што можам да направам?
Поставете своја лична цел за вашиот HbA1c во разговор со нас . Оваа цел ќе биде различна за различни луѓе во различни периоди од нивниот живот.
Не ги пропуштајте редовните контроли кај вашиот дијабетолог.
Прифатете ја поддршката што ви се нуди од вашиот матичен доктор и тим за дијабетес.
Дијабетесот тип 2 се развива кога вашето тело не може да произведе доволно инсулин или кога инсулинот што се произведува не работи правилно.
Инсулинот е како клуч; ја отвора вратата на клетките во вашето тело и дозволува гликозата да влезе. Инсулинот го намалува нивото на гликоза во вашиот крвоток.
Симптомите се јавуваат затоа што дел или целата гликоза останува во крвта и не се користи како гориво за енергија.
Телото се обидува да го намали нивото на гликоза во крвта со исфрлање на вишокот гликоза од телото преку урината.
Главните симптоми на недијагностициран дијабетес вклучуваат:
Мокрење почесто од вообичаено, особено ноќе
Зголемена жед
Екстремен замор
Необјаснето губење на тежината
Генитално чешање
Бавно зараснување на исекотини и рани
Заматен вид
Здрава исхрана, редовно вежбање и оддржување на нормален индекс на телесна маса ,може да ви помогнат да ги промените симптомите на дијабетес тип 2.Во врска со тоа нашиот тим ви нуди поддршка и совет.