„Ова не е состојба да некој може да избере како ќе постапува. Ова не е состојба во која некој ќе биде лагоден. Еве денеска донесовме заклучок со кој што, секој што ќе излезе од државата ќе мора да потпише изјава дека три месеци нема да се врати во државата. Затоа, апелирам до сите граѓани да ги одложат патувањата. Да не пркосат во борбата против вирусот, туку да се приклучат. Да си ги почитуваме институциите, семејствата, сите граѓани“, кажа техничкиот премиер Спасовски.
„Бараме вонредна состојба предвидена со Уставот, во услови каде имаме епидемии. Ние имаме и пандемија во светски размери. Вонредната состојба е една од најтешките одлуки, одлука која не ја посакуваме, туку е нужна да се справиме. Тоа значи дека Владата ќе носи уредби со законска сила и полесно ќе се справува со состојбите“, рече Спасовски.
„Трезвеност во една ваква состојба. Се што е потребно постои, нормалниот живот се одвива. Има храна, има бензин. За мерките со ограничувања, дополнително ќе информираме“, кажа Спасовски.