Словенија ќе и донира на Црна Гора 42.000 вакцини против коронавирус од производителот Модерна.
Вакцините, кои се набавени преку заедничкиот механизам на ЕУ, моментално се наоѓаат во Љубљана, а пратката ќе ја организира и плати Црна Гора, соопшти Канцеларијата за комуникации на словенечката влада, пренесува СТА.
Франција и донираше 117.000 вакцини „Фајзер“ на Црна Гора, а пратката на министерката за здравство Јелена Боровиќ Бојовиќ и ја предаде францускиот амбасадор во Црна Гора, Кристијан Тимоние, јави РТЦГ.